സംയോജിത ശിശു വികസന സേവന പദ്ധതി (ICDS)

ഇന്ത്യ സർക്കാർ നടപ്പിലാക്കുന്ന ഏറ്റവും പ്രധാനപ്പെട്ട സാമൂഹ്യക്ഷേമ പദ്ധതികളിലൊന്നാണ് സംയോജിത ശിശു വികസന സേവന പദ്ധതി (Integrated Child Development Services - ICDS). കുട്ടികളുടെ സമഗ്ര വളർച്ച ഉറപ്പാക്കുന്നതിനും സ്ത്രീകളുടെയും ശിശുക്കളുടെയും ആരോഗ്യ സംരക്ഷണം മെച്ചപ്പെടുത്തുന്നതിനുമാണ് ഈ പദ്ധതി ലക്ഷ്യമിടുന്നത്. അങ്കണവാടികൾ ഈ പദ്ധതിയുടെ അടിസ്ഥാന പ്രവർത്തന കേന്ദ്രങ്ങളാണ്. മറവൻതുരുത്ത് ഗ്രാമപഞ്ചായത്തിലെ എല്ലാ വാർഡുകളിലും പ്രവർത്തിക്കുന്ന അങ്കണവാടികൾ മുഖേന കുട്ടികൾക്ക് പ്രീ-സ്കൂൾ വിദ്യാഭ്യാസവും പോഷകാഹാരവും ആരോഗ്യപരിരക്ഷയും സമൂഹ അധിഷ്ഠിത സേവനങ്ങളും ലഭ്യമാക്കുന്നു.