മറവൻതുരുത്ത്
ഗ്രാമ പഞ്ചായത്ത്

ശുചിത്വവും പരിസ്ഥിതി സംരക്ഷണവും ലക്ഷ്യമാക്കി 

മറവൻതുരുത്ത് ഗ്രാമപഞ്ചായത്തിലെ മാലിന്യസംസ്‌കരണ പ്രവർത്തനങ്ങൾ കാര്യക്ഷമമായി നടപ്പിലാക്കുന്നതിൽ പ്രധാന പങ്കുവഹിക്കുന്നവരാണ് ഹരിത കർമ്മ സേന അംഗങ്ങൾ. വീടുകളിൽ നിന്നും സ്ഥാപനങ്ങളിൽ നിന്നും അജൈവ മാലിന്യങ്ങൾ ശേഖരിച്ച് തരംതിരിക്കുകയും ശാസ്ത്രീയമായ രീതിയിൽ സംസ്കരണത്തിനും പുനരുപയോഗത്തിനുമായി കൈമാറുകയും ചെയ്യുന്നതിലൂടെ പഞ്ചായത്തിന്റെ ശുചിത്വപരിപാലനത്തിലും പരിസ്ഥിതി സംരക്ഷണത്തിലും ഹരിത കർമ്മ സേന സജീവമായി പ്രവർത്തിക്കുന്നു.

പഞ്ചായത്തിലെ വിവിധ വാർഡുകളിൽ പ്രവർത്തിക്കുന്ന ഹരിത കർമ്മ സേന അംഗങ്ങൾ മാലിന്യ ശേഖരണം, തരംതിരിക്കൽ, പുനരുപയോഗയോഗ്യമായ വസ്തുക്കളുടെ കൈമാറ്റം, മാലിന്യസംസ്‌കരണവുമായി ബന്ധപ്പെട്ട ബോധവൽക്കരണം തുടങ്ങിയ പ്രവർത്തനങ്ങളിൽ പങ്കാളികളാകുന്നു.